Inniubh ba mhaith liom labhairt fém ríomhleabhar nó DIY Gaeilge

agus conas a thuilleas níos mó ná trí mhíle ocht gcéad euro leis

agus dhá mhíle euro ar lá na láinseála.

Is ríomhleabhar lán d’acfainní é DIY Gaeilge

a dh’fhoilsíos ar an dtriú lá déag do Lúnasa

agus mar a luas

thá ag éirí go hana-mhaith leis.

Cuirfead an nasc thíos.

Cad as go dtáinig an smaoineamh chun an leabhar san a chruthú?

Dh'fhiafraíos díom péin

cén sórt ceisteanna a bhíonn á gcur orm na laethanta so

agus cuirtear ceisteanna fé acfainní i gcónaí orm.

Chaitheas a lán ama ag múineadh daoine tríom léachtsa ‘DIY Gaeilge’ thall ar Zoom

ach shíleas go mbeadh sé ní b’fhearr ríomhleabhar a chruthú

ionas go mbeadh daoine ábalta tabhairt fé ar a ndeis héin.

Sheolas mo leabhar “Anseo”

ar shlí thraidisiúnta i 2019

ach mar le DIY Gaeilge

cheapas go mbeadh ní ba mhó céille

lena láinseáil mar ríomhleabhar

toisc go bhfuil sé dírithe ar chúrsaí ar líne

agus mar leabhar digiteach

bheadh sé ní b’fhusa hipearnaisc a leagadh amach sa téacs.

Conas a thosnaís á scrí?

Do bhí go leor leor le foghlaim agam

mar níor scríos aon ebook riamh cheana.

Ach do bhí an t-ádh orm mar

mar a luas, do fuaireas an inspráid ón léacht a mhúineas cheana héinig.

Mar sin, do bhí tús maith agam

mar do bhí liosta beag cruthaithe agam le cuid desna hacfainní.

Shocraíos ar an ríomhleabhar a chruthú trí Google Docs ar a lán cúiseanna.

Níorbh éigean dom bogearraí eile a cheannach toisc go raibh Google Docs in aisce

do bhíos in ann ‘téacs ancaire’ a dh’úsáid

agus do bhíos ábalta PDF a chruthú gan dua le clár abhair.

Toisc go raibh Google Docs le fáilt go hiomlán ar líne

do bhíos ábalta obair a dhéanamh ar an ríomhleabhar ar pé ríomhaire.

Dh’úsáideas Google Sheets chun na haon rud a dh’eagrú in áit amháin toisc go raibh formhór m’acfainní le fáilt trí naisc.

Chuir sé ar mo chumas a chinntiú go raibh gach nasc beo.

Agus eagarthóireacht á dhéanamh agam