Tērā tētahi kotiro ko Te Maungārongo tana ingoa

Katahi tonu ka puta i te hōhipera o STARSHIP.

Kei te tākaikai tana whatīanga matau i te tākai ukutea

Inaianei kei te hoki haere a Rongo, tana māmā a Mihiora

me tana pāpā a Matt i tō rātau motuka.

E hoki ana rātau ki tō rātau kāinga ki Te Atatū

Ko tana nani ko Heriata kei te kāinga e tatari mai ana

Nohotahi katoa rātau i Te Atatū.

I mua i te haerenga o māmā rāua ko pāpā ki te hōhipera

i kōrerotahi rātau ko Nani Heriata

Kātahi ka whakarite kia noho haumaru tō rātau kāinga

Ka nekea ngā taputapu

ngā tūru kia wātea pai a waenga o te rūma nohonoho.

Arā te rite ki te Marae te wātea.

He nui atu anō ngā mahi mā pāpā, mā māmā

mā Nani ki te whakahaumaru haere i tō rātau kāinga

Mā te whakatau tikanga ki te whare me ngā tohutohu hei arahi i a Rongo.

Arā, 'Kia tau e Rongo kei whara koe,'

'kia āta haere e Rongo kei hinga koe,’

‘kia āta titiro e Rongo kei taka koe,’

‘kia āta haere Te Maungārongo kei hinga tāua.’

Kia rite tonu ki ngā tikanga o te Marae, nērā Kiwa?

Kāre i roa ka tau a Rongo, a māmā, a pāpā

mā ki te kāinga, kua tutuki te whakahaumaru i te whare.

Ko te ingoa karanga o Te Maungārongo ki te whānau ko 'Rongo'

Engari anō ki a nani Heriata,

ko Te Maungārongo i te tīmatanga, ko Te Maungārongo i te mutunga.

He kōtiro haututū

he kōtiro harikoa

he kōtiro korikori,

he kōtiro hanariki,

he kōtiro pākiki a Rongo

He wā anō, he kōtiro kōioio

he kōtiro taringa kōhatu

he kōtiro kakī māro

Ko te momo o te toru tau tata ki te whā tau nei te pakeke

Pakeke

Aē pakeke

He mōhio hoki a māmā, a pāpā