Аялан дуулдаг чиний минь хоолойтой

Адилхан өнгөөр уянгалан ганганаад

Алаг нүдний сормуус шиг дэрвээд

Аглаг тал дээгүүр шувууд буцлаа.

Амраг минь чи дуугаа дуулаач

Аяны шувуудыг эргэн иртэл дуулаач.

Хөмсгөн сарыг дамжин өртөөлөх

Хөвөн үүлсийн сиймхийг чиглээд

Хөхрөн униартах тэнгэрийн хаяа руу

Хөөрөн ниссээр шувууд буцна аа.

Амраг минь чи дуугаа дуулаач

Аяны шувуудыг эргэн иртэл дуулаач.

Зэллэн ниссэн швуудын цуваа

Зэрэглээ татах алсад шингээд

Чихэнд хоногшсон тэр нэгэн дуу

Сэтгэлд шингэм уянгатай сонсогдоно.

Амраг минь чи дуугаа дуулаач

Аяны шувуудыг эргэн иртэл дуулаач.

Амраг минь чи дуугаа дуулаач

Аяны шувуудыг эргэн иртэл дуулаач.