قصة جميلة والوحش 🥀 قصص ليلا
Log in
YouTube
by
jinansraiti2010
قصة جميلة والوحش
كان ياما كان بقديم الزمان
تاجر غنّي عندو تلات بنات
تنين منّن كانو يشوفو حالن كتير
وكل همّن المصاري والفساتين والمجوهرات
بس التالتي، ما كان في أحن من قلبا
كانت متواضعة وبتحب بيّا كتير
إسما كان جميلة، وأحلا شي عندا كان تقرا كتب
وكانت عنجد حلوي، من برّا ومن جوّا
بيوم من الإيّأم، بيوصل خبر للبيّ
إنو كل السفن لي حاملة بضاعتو غرقت من ورا عاصفة كبيرة
وهيك، خسر البي كل مصريّاتو
بيزعل كتير، وبيصير كل الوقت مهموم
وما عاد حدا يسأل عنّو غير جميلة
إخواتا التنين كانو آخدين موقف من بيّن
كيف يعني ما بقى معن مصاري
معقول ما فيين يشترو تياب ويروحو مشاوير؟ يبيعو فساتينن؟ مستحيل!!! ما كانو يوقّفو نأّ.
بعد كم أسبوع ، بيعرف البي إنو سفينة وحدة من السفن زمطت
وبقي فيا شويّة بضاعة بيقدر يبيعن ويرجع عالشغل
بينبسط كتير! بيحضّر حصانو
وقبل ما يمشي عالمينا بقول لبناتو التلاتي
وصّوني... شو بجبلكن معي؟
بجاوبوه البنتين
أكيد فساتين ومجوهرات... ما بدّا سؤال بابا
أمّا جميلة، فبتبتسم وبتقول
سلامتك بابا... بس عطريقك إذا لقيت، جبلي وردي حمرا
بعد مشوار طويل، بيوصل البيّ عالمينا، بس
بلاقي السفينة فاضية
بيعرف إنو نسرقت، وما بقالو شي منّا
من كتر ما زعل، قرّر يرجع دغري عالبيت
مع إنّو كانت الدني بلّشت تعتّم
هوّي وراجع عحصانو، بلّشّت تتلج
هون البيّ قرر يسرّع، وركض فيه الحصان بسرعة بالعتمة
بعد شوي شاف البيّ إنو ضيّعوا الطريق
وما بيعرف وين صاروا
بينتبه لقصر مضوي من بعيد
فبقرّر يروح عليه، بركي في حدا هونيك بيقدر يساعدو
أوّل ما بفوت، بلاقي طاولة أكل ملاني