α і β

дзьве самыя вядомыя, літары грэцкага альфабэту,

якія для сучаснага чалавека, што нарадзіўся на нашым абшары,

неадрыўна зьвязаны з вывучэньнем сваёй мовы.

Бо пачынаем мы ўсе менавіта з "α", "β".

Далучаючыся да пісьмовай традыцыі сваёй мовы мы з самага дзяцінства навучаемся выводзіць літары,

таму і ў сьвядомасьці застаецца гэта трывалае спалучэньне –

альфабэт – літары – гукі – мова.

Аднак, з гістарычнага гледзішча ўсеагульнае валоданьне пісьмом –

ня вельмі даўняя зьява,

таму сёньня інтуітыўна шмат людзей не разумеюць, што ўласна мова

і альфабэт які яе абслугоўвае

зьвязаны міжсобку хоць і вельмі шчыльнымі,

але не безумоўнымі адносінамі.

І нават тое, што адну мову можа абслугоўваць некалькі альфабэтаў,

графічных сыстэм.

Напрыклад лацінка, кірыліца і арабіца

цалкам прыдатныя да перадачы беларускае мовы.

Але ж вядома, у нашай частцы сьвету пытаньне пра пануючы альфабэт

у той ці іншай краіне абцяжаранае ўплывам так званага «русскага міру»

які праз сваю імпэрскасьць, ды шавінізм ставіцца да кірылічнага альфабэту як да сваёй уласнасьці,

разглядае як пагрозу кожную праяву не-кірілічнае зьявы.

[У рэспубліцы Малдове з набыцьцём сувэрэнітэту зьявіўся лацінкі альфабэт

і цяпер вялікая колькасьць маладых людзей ня здольны чытаць і разумець кірылічныя тэксты.

Тое самае адбываецца і ў горача любай Сэрбіі

для якой кірілічны шрыфт зьяўляецца традыцыйным…

Памятайце бязглуздыя на мой погляд думкі узнікшыя ў кіраўніцтва Казахстана

пра пераход на лацінку.

Абгрунтоўвалася тым, што нібы гэты альфабэт больш распаўсюджаны ў сьвеце…

Мы мусім усьведамляць тое, што працягваецца працэс рэйдэрскага захопу

тэрыторый якія уваходзяць у сфэру нашага цывілізацыйнага уплыву,

складаюць нашу «РАСЕЙСКУЮ ЦЫВІЛІЗАЦЫЮ»

гэта і Цэнтральная Азія, Закаўказьзе, гэта Малдова,

Бесарабія, гэта, натуральна, і Беларусь.]

Больш-менш асьвечанаму чалавеку гэта падасца нейкай бязглузьдзіцай –

кірылічны альфабэт, першапачаткова распрацаваны для таго каб абслугоўваць

зусім не маскоўскую, а стараславянскую

ці іначай кажучы старацаркоўнабаўгарскую мову, зь якой выйшлі баўгарская ды македонская…

расейцы чамусьці лічаць сваёй уласнасьцю ды таўром «русского міру».