Neihana! tikina atu te kete rā.

Ko tēwhea kete, e whae?

Ko ngā mea e rua

He āhua kōruki te rangi nei.

Āna, kei te pūhia tonutia te hau maiangi.

Kia tere kōrua! Kua reri au ki te kohikohi tuatua.

Kaua e oma atu! Hoki mai ki konei.

He aha ai?

Kaua e whakahoki kōrero! He pai ake tēnei wāhi.

Titiro mai! E rua aku tuatua!

Ka pai, e tama. Engari he tuatua tētahi, he pipi kē tētahi.

Purua ki roto i te kete?

Whiu! Te maha hoki o ngā tuatua! E hia kei roto i te kete nei?

Te āhua nei, neke atu i te kotahi miriona!

Ehara! Whaea, kei te rūkahu a Te Hererīpene. E hia ngā tuatua?

Kei te pai, ko tana tinihanga noa iho tērā. Heoi anō, nuku atu pea i te rua tekau mā rima.

Mmmmm, ka rongo au i te reka o te kaimoana nei, o te tuatua.

Kão, e tama! Ko te tikanga kaua e kainga ngā tamariki a Tangaroa i te takutai tonu. Taihoa, kia hoki atu tātou ki te kāinga.