Kua reri koe, Neihana?

Āe, me haere tātou inaianei.

He tino ātaahua te ngahere nei. Whakarongo ki ngā manu.

Ko te ngahere te kāinga o ētahi o ngā manu māori.

E kui, he maha ngā tū momo manu māori?

Koia! Titiro ki te rākau rā. He kereru tērā e kai ana i te miro.

Titiro ki ngā huruhuru o te kererū.

Ana, te ātaahua hoki!

Tētahi kereru mōmona tērā.

Mmmmm, āe!

E kui, he whaina mō ngā tāngata patu, kai rānei i te kererū.

Nē rā? I ngā rā o mua, patu ai, kai ai hoki te Māori i te kererū.

Āe, e ai kī tēnei pānui, kua mimiti haere ngā kererū, nō reira, me tiaki tātou i ēnei manu.

Kua mārama, e kui? [says cheekily]

Whakarongo! He aha kē nei taua tangi?

Ko te tangi tērā a te tūī. Kitea ai tērā manu i ngā ngahere me ngā kāri o Aotearoa.

Pēwhea te āhua o te tui?

He pango ōna huruhuru, he ngutu roroa ōna, ā, he huruhuru mā kei tōna korokoro. Kei whea ia?

Ira! Titiro ake! He tūī tērā?

Ka rawe, e moko, he tika tāu.

He aha te kai a te tūī?

Inu ai te tūi i ngā waihonga o ngā pua o te kōwhai, o te harakeke, o te pūriri me ērā momo rākau.