Where Is My Money - intermediate Saudi dialect - personal story

السلام عليكم ، اليوم رح أحكي لكم قصة حقيقة صارت لي ، قصة حصلت معايه ، قصتي انا
يلا نبدأ
اذا في عام 2018
انا كنت ادرس في الجامعة ، انا كنت طالبة في الجامعة
كنت اروح الجامعة كل يوم الصباح
و في يوم من الأيام رحت الجامعة و نسيت اجيب فلوس من البيت. نسيت اخذ فلوس من البيت. انا ما عندي فلوس
قعدت امشي و امشي في الجامعة و انا جوعانة و عطشانة. كنت احس بالجوع و احس بالعطش
لكن ما عندي فلوس ، ما عندي ولا ريال
في نفس الوقت ما كان عندي صحبات ، ما كان عندي اصدقاء في الجامعة. كنت وحيدة
و استحي اطلب فلوس من البنات.و استحي اطلب فلوس من ناس انا ما اعرفهم
انا ما اعرف بنات الجامعة. انا ما اعرف طالبات الجامعة
فكنت استحي استحي استحي اطلب فلوس
قعدت ٣ او ٤ ساعات عطشانة جدا عطشانة مره
أمشي و أمشي في الساحة ، الساحة يعني المكان حق المشي
كنت امشي في الساحة و حصلت 5 ريال مرمية في الارض (5 ريال = 1.33 $)
انا طرت من الفرح ، انا فرحت مره مره ، وحسيت كانها هدية من الله، لاني كنت عطشانة مره
اخدت ال5 ريال و رحت اركض للكافتيريا حقت الجامعة
و لسوء حظي
باب الكافتيريا قفل
كانت الساعه ١٢ في الظهر و قفلت الكافتيريا في هذا اليوم
إنتهي وقت الكافتيريا ، إنتهي وقت العمل
الكافتيريا قفلت و ما اقدر اطلب العاملات الي يشتغلون في الكافتيريا ، انهم يفتحون الباب
ما احب اتشحت ، ما احب اترجى اي أحد
ما احب الشحاتة
هذه هي الشحاتة
الله يخليكم افتحوا الباب بس ابغى موية الله يخليكم افتحوا الباب والله والله بس موية
هذه ما احبها ، لانه العاملات في الكافتيريا عادة ما يفتحوا الباب
فـقفلوا الباب في وجهي و رجعت البيت و شربت و اكلت في البيت ، شربت مويه في البيت
بعدها تعلمت انه ما انسى فلوسي في البيت
و اجيب مويه معايه للجامعة
وهذه كانت نهاية قصتي الصغيرة
انتم قد صار لكم موقف زي كذا ؟ كيف كانت رده فعلكم
هل طلبتم المساعدة
أو كنتم خجولين مثلي كنتم خجولين زيي و ما تحبون تطلبون المساعدة
جاوبوني في التعليقات ، شكراً مع السلامة