Eh, fàilte

Is mise Iain Tormod MacDhòmhnaill.

'S ann às ceann a deas na Hearadh a tha mi.

Eilean air taobh an Iar na h-Alba,

Iar thuath na h-Alba

Tha mi air a-bhos ana-sheo ann an Glaschu

O chionn seachd bliadhna a-nis

Ach chuir mi seachad a' chuid mhòr Dhe mo bheatha,

Ag èirigh suas co-dhiù, anns na Hearadh

Chaidh mi dhan sgoil ana-shin

Chaidh mi dhan oilthigh 's colaistean

Ann an Leòdhas

Is thàinig mi a-nuas gu tìr-mòr na h-Alba

Nuair a bha mi ochd bliadhn' deug

Agus tha mi gu ìre mhath air a bhith ana-sheo bhon uair sin.

Tha mi air iomadach dreachd a dhèanamh

'S obair. Tha mi air a bhith ag obair mar

Chlèireach mar a chanadh tu

Aig fear-lagh'. Tha mi air a bhith

Ag obair ann an taighean-òsta

's taighean-seinnse. Tha mi air

Beagan siubhail a dhèanamh thall-thairis

Ana-shiud 's ana-sheo, agus a-nis, tha mi

Ag obair aig comhairle nan leabhraichean

Ann an Glaschu, agus is mi an oifigear-

reic 's rianachd a th' aca Ana-sheo

'S bidh mise a' coimhead às dèidh

Ghnothaichean anns a' bhùth

Tha mi, mar a thuirt mi, air faisg air seachd

Bliadhna a chur seachad ana-sheo

Agus tha e a' còrdadh rium gu mòr a bhith

An lùib an obair 's an lùib a' Ghàidhlig

A h-uile latha. Agus tha còignear againn

Ag obair ana-sheo. A' bruidhinn

A' Ghàidhlig fad na h-ùine

Ri càch a chèile. Agus ri daoine a thig a-staigh

Dhan bhùth cuideachd

Bho àm gu àm

Tha coimhearsnachd gu math làidir